Gömrük xidməti general-mayoru Sadiq Abduyev Mingəçevir turizmini niyə “iflic” edir?
7NEWS.az xəbər verir ki, prezident İlham Əliyev Azərbaycan Respublikası regionlarının sosial-iqtisadi inkişafını daim diqqətdə saxlayır, mütəmadi müşavirələr keçirir və bu yolda əngəl olanlara qarşı sərt addımlar atır. Prezident demək olar ki, bütün çıxışlarında regionların inkişafında sahibkarların rolunu xüsusi olaraq vurğulayıb. Məsələ burasındadır ki, belə bir həssas məqamda ölkənin əsas turizm bölgələrindən olan Mingəçevirdə sahibkarlara kim və nə məqsədlə mane olur?
Məsələ burasındadır ki, turizm üzrə ixtisaslaşan şəhərdə illər öncə 4 ulduzlu “River Side” otelini istifadəyə verən yəhudi əsilli iş adamı yüzdən artıq yeni iş yeri açmış oldu. Otelin açılışını isə Prezident İlham Əliyev etmişdi. Daha sonra iş adamı ölkədə baş verən devolvasiyalara baxmayaraq bütün yatırımını yenidən doğulduğu Mingəçevir şəhərinə edərək həm işsizliyin azaldılamasına öz tövhəsini verdi, həm də şəhərimizin turizm imkanlarını genişləndirmiş oldu. Bu məqsədlə iş adamı 2013-cü ildə tamamilə istifadəsiz qalan, 0.94 ha ərazisi olan adanı 30 illik müqavilə ilə icarəyə götürdü. 6 il ərzində adada təmizlik və instrastruktur yenilənmə işləri görüldü, yüzlərlə yeni ağaclar əkildi, yaşayış otaqları quruldu. Paint Ball kimi maraqlı yarışlar üçün texniki imkanlar yaradıldı. Mütəmadi olaraq televiziyalar, QHT-lər bu adada tədbirlər edib, reportajlar hazırlayıblar. Adanın ərazisində isə balıqçılıq və ovçuluq üçün əlverişli şərait yaradılıb. Turizm obyektlərinin əsasən Kür çayının sahilində yerləşməsi və idman yarışlarının burada keçirilməsi hər il əraziyə minlərlə turist axınına səbəb olacağı şübhə yaratmır. Lakin bu məqamda da müəyyən problemlər özünü biruzə verməkdədir. Məsələ burasındadır ki, 2013-cü ildən ADA-nı rəsmi icarəyə götürən River Side otelinə qarşı təxribatlar səngimir. Belə ki, adaya xeyli sərmayə qoyan sahibkar hər il yüzlərlə ağac əkir, yaşıllıq salır. Lakin mütəmadi olaraq hər dəfə bu ağaclar məhv edilir, ADA-ya külli miqdarda zərbə vurulur.
Belə bir məqamda daha bir sual ortaya çıxır: İllər öncə Prezident İlham Əliyevin və 1 Vitse-Prezident Mehriban xanım Əliyevnın açılışını etdiyi, Mingəçevirin ilk Avropa standartlı oteli olan “River Side”a qarşı “ADA-nın zorla MƏNİMSƏNİLMƏSİ” addımı kimə lazım idi? 30 illik icarəyə götürülən adanı kim və niyə xəbərsiz formada başqa birisinə satır? Bəs onlarla gəncin illərlə çəkdiyi əziyyət, sahibkarın qoyduğu sərmayənin bədəlini kim verəcək?
Redaksiyamıza məsələ ilə bağlı daha bir ilginc məlumat daxil olub. Məlumatda deyilir ki, Mingəçevir turizmini iflic edən şəxs Hava Nəqliyyatında Baş Gömrük İdarəsinin sabiq rəisi Sadiq Abduyevdir. Məhz onun adından istifadə edən şəxslər qanunsuz formada adanı sahibkarın əlindən alaraq ekoloji siyasətə zidd şəkildə, dövlətdən xəbərsiz balıq ticarəti ilə məşğul olmaq niyyətindədirlər. Məlumata görə iş adamına heç bir xəbərdarlıq edilmədən ada qanunsuz olaraq 02.10.2017 -ci il tarixli, 86 saylı sərəncam ile 50 il müddətinə ” AZ-CAVİAR” MMC-yə icarəyə verilib.
Məlumat üçün qeyd edək ki, 2014-cü ildə Azərbaycan-Slavyan Gəncləri Assosiasiyası və adanı icarəyə götürən “XXI ƏSR” MMC arasında “GƏNCLƏRİN BEYNƏLXALQ TURİZM LAQERİ” adlı 10 illik əməkdaşlıq barədə müqavilə imzalanmışdır. Müqavilə çərçivəsində 4 il ərzində müxtəlif formatlı düşərgələr reallaşdırılıb. Görünən odur ki, bu açıq-aşkar ölkə turizminə və sərmayəçi sahibkarlara vurulan zərbədir. İnvestoru ölkədəki iqtisadi proseslərə cəlb etmək lazımdır, küsdürmək yox!
Məsələ ilə bağlı sahibkar artıq ölkə başçısına müraciət edib, sahibklarların dostu olaraq ona arxalandığını qeyd edib.
Mövzunu davam etdirəcəyik.
7NEWS.az
