İran prezidenti Həsən Ruhani bu gün koronavirusla bağlı keçirilən iclasda Qərb ölkələrinin timsalında ABŞ-a sərt mesajlar ünvanlayıb.
RealMedia.az “RİA Novosti” yə istinadən xəbər verir ki, Ruhani deyib ki, İranda vəziyyət Qərb ölkələrinə nisbətən daha yaxşıdır.
“Bəli, bu gün koronavirusla mübarizədəki vəziyyət (Qərb ölkələri – red.) sizdən daha yaxşıdır. Səbəbi bizim gözəl insanlarımızdadır. Səbəb tibb işçilərinin, silahlı qüvvələrin fədakar mübarizəsidir …” deyə Ruhani bildirib. Ruhani həmçinin əlavə edib ki, bölgələr arasında hərəkət qadağaları aprelin 20-dən etibarən qaldırılacaq.
Qeyd edək ki, İranda koronavirusa yoluxanların yarısı artıq sağalıb.
