DƏHŞƏTLİ QƏTL: Kriminal avtoritet ailəsinin gözü qarşısında GÜLLƏLƏNDİ

0
284

Şənbə günü axşam saatlarında Gürcüstan vətəndaşı Afinada həyat yoldaşı və uşağının gözü qarşısında güllələnərək öldürülüb.

RealMedia.az Publika.az-a istinadən xəbər verir ki, bu barədə “Proto Theme” qəzeti məlumat yayıb.

Bildirilib ki, yerli polis bunu sifarişli qətl hesab edir.

Qəzetin yazdığına görə, 41 yaşlı kişi şənbə günü gecə ailəsi ilə birlikdə evə qayıdarmış və evin yaxınlığında gənc qızı və arvadının gözü qarşısında güllələnib. Qurbanın başına dəyən güllə də daxil olmaqla, cinayətkar azı dörd-beş atəş açıb.

Hadisə yerindən bir neçə patron tapılıb. Qətl Mosxato rayonunda baş verib.

“İlk məlumat hesablaşmalardan danışır. Ola bilsin ki, qətlin sifarişi xaricdən olub”, – qəzet yazır.

Qurbanın qonşuları ailəni tanıdıqlarını deyirlər, çünki ailə hər bazar günü kilsəyə gedirdi. Bununla belə, onlar 41 yaşlı kişini qonşularla təmasdan yayınan “qaraqabağ” və “qapalı” bir insan kimi təsvir edirlər. Son üç-dörd ildir ki, bu evdə yaşayırlar.

KİV-in məlumatına görə, zərərçəkmiş şəxs əvvəllər də oğurluğa görə cinayət məsuliyyətinə cəlb edilib.

MEGA telekanalı gürcü mətbuatına istinadən xəbər verir ki, öldürülən gürcü mafiyasının üzvü olub və Şotiko ləqəbi ilə tanınır.

MEGA xəbər verir ki, qətl, çox güman ki, Tbilisi və Kutaisi mafiyası arasında baş verən “razborka” ilə bağlıdır.

BİR CAVAB YAZIN

Şərhinizi daxil edin!
Burada adınızı daxil edin