“Cəhənnəm olub getsin o ölkənin pasportunu daşısın…”

0
617
“Bir ölkənin məmur deyirsə ki, kürdlərə görə Azərbaycan pasportunu, hərbi biletini yandırmağa hazırdır, bu çox təhlükəlidir”.
Moderator.az xəbər verir ki, bu barədə deputat Fazil Mustafa Milli Məclisin iclasında  Laçın rayon icra hakimiyyətində çalışan Füzuli Tanrıverdiyevin Şimali İraqda keçirilən referenduma dəstək verməsinə münasibət bildirərkən deyib.
O qeyd edib ki, hansısa bir məmurların bu işə qarışması acınacaqlıdır: “ Çünki sabah Azərbaycana da torpaq iddiaları ola bilərlər. Bizim üçün dövlət atributlarımız, bayrağımız, gerbimiz, pasportumuz hamımıza doğmadır. Kim onu yandırmaq istəyirsə, cəhənnəm olub getsin o ölkənin pasportunu daşısın. Bu münasibət Türkiyə ilə Azərbaycan arasında olan münasibətlərə də zərər vurur”.
Deputat Vahid Əhmədov da eyni məsələ ətrafında danışıb.
“Sən necə ola bilər ki, Azərbaycan pasportunu daşıyırsan , amma Kürdüstanı müdafiə edirsən. Mən Zakir Qaralova müraciət edirəm ki, bu məsələni diqqətdə saxlasın.  Əgər buna diqqət yetirməsək, gələcəkdə Azərbaycan üçün problem yarana bilər”.

BİR CAVAB YAZIN

Şərhinizi daxil edin!
Burada adınızı daxil edin