Beyləqanda dezinfeksiya və əhalinin marifləndirilməsi prosesi davam etdirilir – FOTOLAR

“Beyləqanda əhalinin koronavirus infeksiyasına yoluxmasının qarşısını almaq məqsədilə ciddi qabaqlayıcı tədbirlər görülür.

Rayon icra hakimiyyəti tabeliyində olan ərazi və strukturlarda, muzeylərdə koronavirusa (COVID-19) qarşı tibbi-profilaktik və dezinfeksiyaedici tədbirləri uğurla həyata keçirilir.

Görülən qabaqlayıcı tədbirlər nəticəsində sakinlərin sağlamlığı ilə bağlı bu günədək heç bir narahatlıq qeydə alınmayıb, epidemioloji vəziyyət stabildir və nəzarət altındadır”.

“RealMedia.az”-a xəbər verir ki, bu sözləri Beyləqan Rayon İcra Hakimiyyəti başçısının ictimai-siyasi və humanitar məsələlər üzrə müavini Yeganə Məmmədova açıqlama verərkən bildirib.

“RealMedia.az”-a acıqlama verən icra başçısının xanım müavini Yeganə Məmmədova  bildirib ki, dünyanın bir sıra ölkələrində yayılan koronavirus (COVİD-19) epidemiyasının Azərbaycanda törədə biləcəyi fəsadların qarşısının alınması məqsədilə respublikamızın hər bir rayonlarında olduğu kimi Beyləqan rayonunda da qabaqlayıcı profilaktik tədbirlər, izoliyasiya işləri həyata keçirilir.

Azərbaycan Respublikası Nazirlər Kabinetinin yanında Operativ Qərargahın tapşırıqlarına uyğun olaraq Beyləqan rayonunda həyata keçirilən təxirəsalınmaz tədbirlər sırasında rayon Gigiyena və Epidemiologiya mərkəzinin əməkdaşlarından ibarət xüsusi qrup tərəfindən 56 ümumtəhsil məktəbi,1 peşə məktəbi,31 uşaq bağçası,31 çox mənzilli yaşayış evi, idarə və müəssisələr qabaqlayıcı profilaktik məqsədlə dezinfeksiya olunmuş,müxtəlif yerlərdə, o cümlədən əhalinin intensiv keçdiyi küçələrdə, parklarda, iri ticarət obyektlərinin ətrafında, çoxmərtəbəli yaşayış binalarının həyətlərində və giriş qapılarında, avtobus və taksi dayanacaqlarında sanitar-təmizlik, tibbi-profilaktik və dezinfeksiya işləri görülüb və bundan sonrada görülməkdə davam edəcək.

Koronavirus pandemiyası ilə əlaqədar gündəlik maarifləndirmə və dezinfeksiya işləri aparılır

Rayonun bütün kənd və qəsəbələrində İcra Hakimiyyəti, bələdiyyə və rayon polis şöbəsinin əməkdaşlarından ibarət mobil qruplar əhalinin sıx toplaşa biləcəyi ərazilərdə sakinlərlə profilaktik söhbətlər edir, xüsusi karantin rejimi müddətində həm öz sağlamlıqlarını qorumaları, həm də ki, cəmiyyətdə koronavirus infeksiyasının yayılmasının qarşısını almaqdan ötrü vacib olmadıqda evdən çıxmamaqları barədə xəbərdarlıq edilir. 65 yaşdan yuxarı sakinlərin isə evdən çıxmalarının qadağan edilməsi nəzərlərinə çatdırılıb. Proses xüsusi karantin dövrü ərzində müntəzəm olaraq aparılacaq.

Beyləqanda koronavirus (COVİD – 19) infeksiyasının rayon ərazisində yarada biləcəyi təhlükənin qarşısının alınması məqsədilə şəhərin kommunal xidmətləri xüsusi gücləndirilmiş iş rejimində işləyirlər.Səhər saatlarından başlayaraq şəhərin küçə və prospektləri xüsusi ayrılmış texnikalar vasitəsilə dezinfeksiya xassəli vasitələrlə yuyulur.

Yeganə Məmmədova rayonda fəaliyyət göstərən qeyri ərzaq və kənd təsərrüfatı təyinatlı ticarət obyektləri və mövcud olan istirahət parklarına girişin tam məhdudlaşdırıldığını da bildirib.

RealMedia.az