Obama dövründə Ferqüson olaylarıyla ölkəni qarışdıran bu milyarder eyni partiyadan olan H. Klintona sponsorluq edir.
Bu günlərdə “DC Leaks” Hakerlər Birliyinin dünyada maxinator milyarder kimi tanınmış Corc Sorosun nəzarətində olan qurumlara aid 2008-2016-cı illəri əhatə edən 2min 576 sənəd üzə çıxarması haqda məlumatlar yayıldı.
Milyarderin Avropa, Ukrayna, Rusiya və digər MDB ölkələrindəki dövlət çevrilişləri və ya buna cəhdlərlə bağlı gizli yazışmaları da üzə çıxıb. Sənədlər arasında ilk baxışdan bir sıra ağılagəlməz faktlar var.
Moderator.az-ın xarici saytlara istinadən əldə etdiyi belə faktlardan biri də ABŞ-da 2014-cü ilin avqustunda başlanmış Ferqüson olaylarıyla bağlıdır. “Fox News” nəşrinin sözügedən sənədlərə dayanaraq yazdıqlarından bəlli olur ki, C.Soros Ferqüsonda və digər Amerika bölgələrində qaradərililərlə ağdərililər (xüsusən polislər) arasında münasibətləri qızışdıran qurumlara 33 mln. dollar ayırıb.
O da qəribədir ki, Demokratların nümayəndəsi olan hazırkı prezident Barak Obamanın hakimiyyəti dövründə ölkəni ağ-qara təxribatına bürüyərək sanki xaosa sürükləməyə çalışan C.Soros eyni partiyadan prezidentliyə namizəd Hillari Klintonun seçkiqabağı kampaniyasının əsas donorlarından sayılır.
Milyarderin keçmiş dövlət katibinin təbliğatı üçün təmənnasız olaraq 9 mln. dollar aıyırdığı söylənilir.
Sultan Laçın
