“Rusiyanın olmadığı dünya bizim nəyimizə lazım?!” – PUTİN

0
142

Rusiya prezidenti Vladimir Putin, Vladimir Solovyovun “Dünya nizamı 2018” adlı filmində, nüvə zərbəsinin bəşəriyyət üçün qlobal faciəyə səbəb olacağını bildirib.

Rusiya lideri bu mövzuda danışan zamanı, belə bir sual verib:

“Orada Rusiya olmayacaqsa, belə bir dünya nəyimizə lazım?!”

Putinin sözlərinə görə, yalnız raket hücumundan xəbərdarlıq sistemi düşmənin raketləri işə saldığını qeydə aldığı, onların uçuş trayektoriyası və Rusiyanın əsas hissələrinə düşmə vaxtını hesabladığı təqdirdə, Rusiya tərəfi nüvə silahına əl ata bilər.

“Buna qarşılıqlı cavab zərbəsi deyirlər. Bu qərar Rusiyanı məhv edəcəksə, bizim cavab verməyə qanuni haqqımız əmələ gəlir” – deyə Putin bildirib.

“Bəli, bəşəriyyət üçün bu qlobal faciə olacaq, dünya üçün qlobal faciə olacaq. Ancaq mən Rusiya vətəndaşı və dövlət başçısı olaraq belə bir sual vermək istəyirəm: orada Rusiya olmayacaqsa, belə dünya nəyimizə lazım?” – deyə Rusiya lideri bildirib.

Putin nüvə silahından istifadəyə heç vaxt lüzumun yaranmayacağına ümidvar olduğunu əlavə edib.(Oxu.Az )

BİR CAVAB YAZIN

Şərhinizi daxil edin!
Burada adınızı daxil edin