Hacı İbrahim Nehrəmlinin bahalı mərmərləri oğurlandı – Eksklüziv / Fotolar

0
351

Bakının Qaradağ rayonunda “Avesta konserni” MMC-nin prezidenti Hacı İbrahim Nehrəmliyə aid “Xəzər adaları”dan oğurluq edilib. “Avesta konserni”ndə çalışan mənbənin AzEuroNews.com-a verdiyi məlumatda deyilir ki, ötən gün tikintisi dayanan “Xəzər adaları”nda avtomobil yollarının kənarına döşəmək üçün nəzərdə tutulan və İtaliyadan alınan bahalı mərmərlər kimliyi bilinməyən şəxs və ya şəxslər tərəfindən oğurlanıb.

Məlumatda deyilir ki, tikinti ərazisi böyük olduğundan yalnız ticarət obyektləri, yaşayış binaları və satış ofisinin qarşısında təhlükəsizlik kameraları quraşdırılıb.

Mərmərlər isə, kompleksin girişindən yaşayış binalarına gedən yolda, ayrıcı körpüyə çatmamış olan ərazidən aparılır.

Məlumatı verən mənbənin sözlərinə görə, hadisə ilə bağlı ərazidəki bütün müşahidə kameralarına baxılsa da, şübhəli avtomobil və ya kimlərsə müəyyən olunmayıb. Güman edilir ki, yola düzmək üçün qoyulan mərmərlərin olduğu ərazi dənizə yaxın olduğundan onlar qayıq vasitəsi ilə gecə saatlarında oğurlanıb.

Mənbəmiz həmçinin bildirib ki, neçə ildir “Xəzər adaları”da tikinti dayandığından mühafizə xidmətinin əməkdaşlarını sayı 80 nəfərdən 10 nəfər endirilib. Onlar da növbəli sistemlə çalışır ki, bu da ərazini tam nəzarət altından saxlamağa imkan vermir.

Maraqlısı isə, oğruluq faktına görə, “Avesta konserni” rəhbərliyinin polisə müraciət etməməsidir.

Ərazi Qaradağ rayonuna aid olduğundan bu hadisə ilə bağlı rayon polis idarəsinə hər hansı bir şikayət daxil olmayıb.

Məsələ ilə bağlı “Avesta konserni”nin rəhbəri Hacı İbrahim Nehrəmli ilə əlaqə saxlamaq cəhdlərimiz heç cürə alınmadı. 

RealMedia.az

BİR CAVAB YAZIN

Şərhinizi daxil edin!
Burada adınızı daxil edin